الطيب

[size=32]بسم الله ابدى واتنزه عن العيب[/size]
[size=32]بسمه واعوذ من الشياطين لا انساه[/size]


[size=32]الله هو اللي يرزق العبد ويجيب[/size]
[size=32]رزقه ويكفل له حياته من انشاه[/size]


[size=32]من ما كسب في منصب(ن) صار به طيب[/size]
[size=32]ماهو بكاسب يا تقاعد وخلاه[/size]


[size=32]ومن مانفع جماعته والاصاحيب[/size]
[size=32]ماهو بنافع كل من جاه ينخاه[/size]


[size=32]الطيب صعب وكسبه اغلى المكاسيب[/size]
[size=32]وماكل من يبغاه بالهون يلقاه[/size]


[size=32]الطيب ماله فصل واصل ومقاضيب[/size]
[size=32]قاله لي اللي طاري الطيب سلواه[/size]


[size=32]والناس كل(ن) وده الطيب بالجيب[/size]
[size=32]لكن مرامع قاصر الشوف تنهاه[/size]


[size=32]والله يا لولا اللي بروس المراقيب[/size]
[size=32]كان نعست عين المشقى بمسراه[/size]


[size=32]راحت علوم وسجلت بالمكاتيب[/size]
[size=32]فازو بها اهل الطيب مابه مراواه[/size]


[size=32]فازو بها اللي يفرحون المناديب[/size]
[size=32]لا كبروها اهل الحيل والمناجاه[/size]


[size=32]ماهمهم لو هي بعوج المحاديب[/size]
[size=32]يصبر على ماجاه ويقدم الجاه[/size]


[size=32]سلوم العرب ما تنثني بالمواجيب[/size]
[size=32]والوقت نفسه ما تغير بمبداه[/size]


[size=32]الوقت عند اللي علم خافي الغيب[/size]
[size=32]وان مات طيب عاضنا الله بشرواه[/size]


[size=32]لو قل زاد اهل الكرم والمشاريب[/size]
[size=32]بدت ضيوف الله على كل مشهاه[/size]


[size=32]الغرس يثمر والصحاري مجاديب[/size]
[size=32]واللي غرس له غرس يسقيه من ماه[/size]


[size=32]واللي غفر همه بنغمة عوى ذيب[/size]
[size=32]ينسى ولا يفرق نباحه من عواه[/size]


[size=32]النفس يردعها عن النقص تهذيب[/size]
[size=32]وذياب مات وباقي(ن) صيت شلفاه[/size]


[size=32]الشعر يسمج لو يجي دون ترتيب[/size]
[size=32]مثل الذي يرمي ولا صاب مرماه[/size]


[size=32]وانا احمد الله شفت مرماي واصيب[/size]
[size=32]لو هو بعيد(ن) طلقتي ما تعداه[/size]


[size=32]تمت وراع الطيب يلقى التراحيب[/size]
[size=32]والطيب يذكر والقصايد محاكاه[/size]